Putinen erregimena, bere nazionalismoa, mendebaldearekiko mesfidantza eta Errusiako gizartean guzti horrek duen kontsentsua ezin dira ulertu 90. hamarkadan milioika herritarren kontzientzian iltzatuta geratu zen humilazio sentsaziorik gabe: SEBSen disolbatuta, eliteek ondasunak harpilatu ostean, Errusian zein nazioartean prestigioa berreskuratzeko lanari ekin zioten.

Euskal iheslari politikoen bizipenak. «Nor dira silueta beltz horien atzeko pertsonak? Zenbat urte dira itzal bihurtu zirela?». Galdera horiei erantzun diete Jaione Dorai eta Ernesto Prat idazle eta iheslari ohiek Txalaparta argitaletxearekin argitaratutako liburuan.

Gai mingarria hautatu du Maddi Ane Txoperenak bere bigarren eleberria ontzeko, sarritan ezkutuan gorde nahi izan dena, tabuaren izarapean estali, baina mina sufritu duenak ezin ahantzi, isiltasunaren bidez ezin gizartearen zauriak itxi. Kontaketarako trebeziaz eta hizkuntzaren menderatzeaz gain, gaiaren gaineko ezagutza sakona eta sentiberatasun fina erakusten dizkigu egileak.

La crisis ecológica es esencialmente una disputa política y el Green New Deal es un ambicioso programa de intervención pública y movilización social para frenar los peores desmanes del nihilismo ecológico y social neoliberal; puede convertirse en la llave maestra de un proyecto político ecologista de mayorías, capaz de plantar cara a la destrucción de la vida y de ganar un futuro mejor para todos los habitantes del planeta.

Lerro eta formen artean, eskuek elkar ukitu, ezagutu eta esperimentatzen dute. Esku batek indartsu, beldurti, urduri, lotsati, haserre edo pozik utz gaitzake. Eskuen artean eta elkar ukitzean sortzen diren sentsazioetan oinarritutako irudi eta soinu bilduma da.

Klase-desberdintasunaren eta botere-mekanismoen satira garratza. Fikziozko sail honek Hawaiiko hotel paradisiako batean dauden turista dirudunen opor ez hain lasaiak eta langileekin dituzten botere-harremanak erakusten dizkigu, sei ataletan.

Koronabirusaren krisiaren bihotzera bidai hunkigarria. Istorio intimoen erretratu honekin, Fèlix Colomer zuzendariak gizakiak maitasunerako eta eskuzabaltasunerako duen aparteko gaitasuna gogorarazten digu, egoerarik txarrenari aurre egiten dionean.

Ali Tabrizi zinemagile britainiarrak arrantzaren ingurumen-inpaktuari buruzko dokumentala zuzendu eta protagonizatu du; gizakiak itsas espezieei egiten dien kaltea erakusteaz gain, prozesuan mundu mailako ustelkeria kezkagarria azaltzen du.

Bertsoaren bueltan elkartu ziren lau gazteak; eurek dioten bezala, lagun talde batek sortutako ordubete inguruko ikuskizuna da. Baina, bertsoa ez ezik, gaztetasuna eta marika eta bollera izatea ere badira obraren ardatz nagusiak. Begirada horretatik, ikusleari galderak eragin, barruak erre eta gorputza mugitzen dio eRRek, bitasunari su emateak deserosoa izan behar baitu ezinbestean.

Netflix plataformako Bridgerton telesaila ikusita sortutako galderek bultzatu dute obra sortzera. Hori da antzezlanaren abiapuntua. Ondoren feminismoa ardatz hartuta, umorez blaitutako bidaia batean murgilaraziko gaituzte, sakonean patriarkatua kuestionatzen duten hainbat hausnarketa bultzatuz: fikzioak gugan izan dezakeen eragina, genero rolak, maitasun erromantikoa, maskulinitate ereduak...

Martin Artola izeneko bertsolaria du protagonista komikiak eta Gaztelumendi anaiek hazi ziren munduaren erretratu bat jasotzen du. Beñat Gaztelumendik idatzi du gidoia eta Unai Gaztelumendik eraman du irudietara. Bertsolaritzaz baino bertsolaritzatik egindako komikia da eta Bertsolari aldizkariaren laugarren alea da.

Bertso eta bakarrizketa formatuan, Ane Labaka bertsolaria eta Beatriz Egizabal kontalaria: zahartzeaz, gorputzaren aldaketez, sexualitateaz, merkatu patriarkalaz, intersekzionalitateaz, beldurraz, biolentziaz eta zeharkatzen gaituzten beste hainbat gauza kantatuz eta kontatuz.