Zer sentitzen du Intxaurrondoko kuartelean bizi den haur batek? Ivan du protagonista, Andaluzian sortutako guardia zibil baten semea, Zamoran jaioa, eta haren bizipenek, kezkek eta gogoetek ardazten dute liburua. Fikziozko eleberri laburra da eta pertsonaiari dagozkionak asmatuak dira. Gidoiaren hainbat biraketa daude, bai eta estilo aldaketak ere.

Bizitza eta etxebizitza. Fernandez de Betoñok etxebizitza-politika justurako gako interesgarriak eskaintzen dizkigu liburu honetan, hiru helburu azpimarratuz: alokairu sozial zabal eta unibertsaleko etxebizitza-parke publiko bat, etxebizitzaren prezioaren bilakaeran irmoki esku hartzea eta presio sozial etengabea lortzea.

Batallón Vasco Español kasuaren bidez, Espainiako Estatuak 1975 eta 1983 bitartean indarkeria parapolizialaren estrategia sistematikoa gauzatzeko erabilitako egitura operatiboa eta funtzionamendu-dinamikak aztertzen ditu liburu honek; xehatzen du gerra zikinaren egitura hura nola sortu zuten, Espainiako Estatuak nola finantzatu zuen eta disidentzia zigortzeko zer metodo erabili zituzten.

Jende multzo bat leku batean sartu ahal izateko bertako jende multzo batek alde egin behar du, eta horrela ari zaizkigu hiriak eta kulturak aldatzen. Ondorio kaltegarri objektibo asko ekartzen ditu turismoak, hala nola karbonizazioa, gentrifikazioa... Rodriguezek turismoari buruzko hausnarketa idatzi du saiakera honetan.

Bañolet Garazi eskualdeko biztanleekin eginiko euskarazko fikziozko film proiektu parte hartzailea da. Eiheralarre herrian grabatu zen 2021eko udan. Nafarroa Behereko hainbat adinetako biztanleekin eraman zuten aurrera ikus-entzunezko proiektua, eta herritarrak aktore rolean jarri zituzten.

Estatu Batuetan, Depresio Handiaren garaian (30eko hamarkada) girotuako westerna da. Seth Davenport apaiz joan da Iowako herri txiki batera, ezkutuan, statu quoaren aurkako iraultza bat hasteko asmoz.

Richard Nixon AEBetako presidente izan zenean gertaturiko eskandalu politikoa izan zen, haren kontseilari batzuen kontrako salaketa eta haren dimisioa ekarri zituena. Alex Gregory eta Peter Huyckek sortu eta idatzitako drama politikoko bost atalez osaturiko telesaila.

Australiako gobernuaren zirrikituak desmuntatu egiten dira entzuleen aurrean, politikan elkartzen diren identitate desberdinak agerian utziz. Gizon zuriz inguratutako esparru politikoan emakumea izatea ez da erraza eta emakume indigena izateak are konplexuagoa egiten du egoera. Oraindik ere generoaren intersekzionalitateari, etniari eta sexu-orientazioari buruz hausnartu behar denean. Unibertso politikoari begirada bat ematea genero-ikuspegi fresko eta distiratsu batetik.

Takiji Kobayashik 1929an ezkerreko kausa defendatzeko asmo nabarmenez idatzitako eleberria. Kamtxatka itsasoan karramarroak harrapatu eta prozesatzen dituen arrantza-ontzi bateko tripulazioaren istorioa kontatzen du. Espedizioko patroiak eskifaia basatiki ustiatzen du, eta horrek matxinatzera eramaten ditu.

Txikitan ikasi zuen Maurizia Aldeiturriagak panderoa jotzen, eta herriz herri aritzen zen. Garai hartako pandero jotzaileen ikur bilakatu zen Aldeiturriaga, ordura arte gizonezkoena zen mundu batean lehen lerroan jartzea lortu baitzuen. Aupa Maurizia!

Komikia memoriari buruzko dokumentu historiko hunkigarria da, eta biktimen labirintoa zeharkatzen du, haien duintasunagatik, memoria berreskuratzeko eta amnesiari aurre egiteko. Kazetaritza-edukia duten eta iragana eta oraina trukatzen dituzten irudi koordinatu horiek bisualki txundigarriak dira.

Komiki honen orrialdeak Portugalen 1974ko apirilaren 25eko Iraultzaren aurreko eta ondorengo urteetan murgiltzen gaitu, José Novo, Estatuaren diktaduran Lisboako periferian hazi zen gaztearen bidez. Testigantzak eta fikzioa nahasten diren heinean musikak, liburuek, ideia klandestinoek eta askatasun nahiak bustitzen dituzte eleberria.