GOMENDIOAK

Arun Kundnani, Katakrak 2024

Liburuak dituen hamahiru kapituluetan, Kundnanik arraza-kapitalismoari, neoliberalismoak eraikitako mugei, kolonien esplotazioari, klase-borrokaren erreprodukzioari, Hirugarren Munduari, zapalkuntza eta marjinazio harremanei, kolonizatuei eta kolonizatzaileei buruzko azterketa bat egiten du, besteak beste.

Arrazakeria etengabe mutatzen da: formaz, tamainaz, mugez, helburuz edo funtzioz; aldatzen da ekonomian, gizarte-egituran eta, batez ere, aurkitzen diren erronka eta erresistentzietan gertatzen diren aldaketen aurrean. Belaunaldi berri bakoitzak bere irudira eta antzekotasunera definitzen du arrazakeria.

Figura politiko eta alderdi xenofoboen egungo arrakasta ez da arrazakeriaren aurkako aurrerapenaren aurkako erreakzio baten ondorioa; arrakasta dute, beren erretorika politikoak esplizitu egiten duelako estatu liberalen praktika arrazista eta bortitzetan inplizitua dagoena. Gizarte-prestazioen onuradun den emakume beltzaren, muturreko gizon musulmanaren edo etorkin kontestatarioaren irudiaren atzean, erradikalismo feminista beltzari, mugimendu nazional palestinarrari edo erakunde migratzailetik sortutako langile-klaseen politizazioari dioten beldurra dago. Bere irudiek neoliberalismo bortitzaren porrotaren esanahi desplazatuak irudikatzen dituzte.

Mendebaldeko gizarteetan ideologia arrazista hedatzea ez da polarizazio sozialaren ondorio bat, baizik eta inperialismo «liberal» baten ezinbesteko konplizea. Inperialismo hori bumeran bat bezala itzultzen da etxera, bere biztanleria zibilaren aurka, planetako gainerako herrialdeetan inposatzen dituen politika kolonialak praktikan jartzera. Ondorioz, eta Arun Kundnanik dioenez, arrazakeriaren aurkako borrokak ez du klase-borroka zatikatzen, erradikalizatu baizik.